14-3-2007

今日辛苦左一日，又係放7點幾，最後拖著疲累的身軀去睇E生，因為睇開個個去左旅行，唯有去商場的醫務中心睇啦！

本身MOM已經落左去幫我掛號，點知因為第一次睇，係都要身份証，咁就等到我返黎先啦！好5容易返到去，點知都要等，不過都好快，10分鐘都5駛就到我了。入到去係個男醫生，都幾後生，(雖然帶住口罩都睇到佢好後生。哈哈！)先先問左一輪野先，就開始睇喇！我話比佢知我半夜咳，佢問我幾點啦！我話3點幾，之後都係探左背脊就OK，跟住佢就解釋一番點解我半夜咳，因為氣管係凌晨四,五點個時係收縮得最勁既，跟住佢就補飛話3點幾都係。我即刻笑左出黎。不過佢一本正經咁樣無笑過，都幾搞笑。

返到HOME食左飯，跟手食埋藥之後沖涼啦！點知到訓個時，咳得仲厲害，但個人好攰，都係訓左，到到12點，又咳醒左，連+姐都整醒左，SORRY呀！因未夠鐘食藥，飲左D水又好D，再訓過，3點幾又醒過，今次食左藥就訓到天光。